SUBEN OS CONTAXIOS A MÁIS DE 7000 CASOS ACTIVOS

Coronavirus Galicia: 539 contaxios novos e soben os casos activos a 7.074 Novo máximo de casos activos con máis de 7.000, e continúan empeorando todas a área sanitarias galegas e subindo o número de hospitalizados. Galicia rexistra menos contaxios que nos últimos días pero non son tan boas noticias como parece. Os 539 casos novos de COVID-19 de hoxe martes 27 de outubro son 182 máis que os 357 do martes pasado, e proceden dun número de probas PCR menor que nos últimos días (5.612 fronte a 7.127 de onte, 8.490 do domingo e 8.707 do sábado), cunha porcentaxe de casos positivos superior (9,6%, fronte a 8,6% de onte luns, 7,14% do domingo e 7,92% do sábado). Na web de datos do Sergas di que nas últimas 24 horas confirmáronse 525 casos de COVID-19 por PCR, pero a diferenza entre o total de infectados desde o inicio da pandemia de hoxe (33.758) e o de onte (33.219) é de 539 persoas. Do mesmo xeito, os novos contaxios que indicamos por área sanitaria calculámolos do mesmo xeito. Nas últimas 24 horas rexistráronse en Galicia 539 casos novos de SARS- CoV-2, 12 falecementos e 219 altas, o que fai que o número de casos activos suba en 308 persoas, un dos incrementos máis altos desde o inicio da pandemia, pasando dos 6.766 de onte a 7.074 hoxe. Márcase ademais un novo máximo de casos activos desde o inicio da crise sanitaria e pásase a barreira doutro milleiro. O número de hospitalizados marca outro máximo en nova normalidade e chega a 459, 15 persoas máis que as 444 de onte. O total de casos de coronavirus desde o inicio da pandemia en Galicia é de 33.758 persoas segundo o Sergas. Todas as áreas sanitarias empeoran Coronavirus A Coruña: 88 contaxios novos e soben a 1.201 os casos activos Coronavirus Ferrol: 72 contaxios novos e soben a 546 casos activos Coronavirus Santiago: 62 contaxios novos e soben a 1.128 os casos activos Hoxe volven empeorar todas as áreas sanitarias de Galicia. A que máis contaxios e casos activos suma é Vigo, pero a que máis empeora en proporción á súa poboación é Ferrol. A máis afectada en termos absolutos continúa sendo Ourense, con 1.423 casos activos (+33), seguida de Vigo con 1.358 (+115), A Coruña con 1.201 (+34), Santiago con 1.128 (+6), Pontevedra con 727 (+44), Lugo con 691 (+18) e Ferrol con 546 (+58). Novos contaxios por áreas sanitarias A Coruña: 88 Ferrol: 72 Lugo: 35 Ourense: 75 Pontevedra: 67 Santiago: 62 Vigo: 140 Total: 539

O total de mortes desde o inicio da pandemia alcanza as 880 persoas, delas 12 nas últimas 24 horas. O total de hospitalizados chega ata 459 pacientes, deles 58 na UCI e 401 en unidades de hospitalización. O total de probas PCR realizadas é de 646.233, delas 5.612 nas últimas 24 horas, cun 9,6% de positividade.

Esta semana continúa notablemente peor que a anterior, con 1.152 casos sumando luns e martes, unha cifra moi superior aos 782 dos dous primeiros días da semana pasada.