RIBADUMIA EN ALERTA VERMELLA, CAMBADOS BAIXA A AMARELA

Xa son cinco municipios en alerta vermella na área sanitaria de Pontevedra-O Salnés.

Continúa empeorando a área sanitaria de Pontevedra e O Salnés, e hoxe a noticia do día é que Ribadumia (propiciado polo brote na residencia da terceira idade deste municipio) únese á lista de municipios en alerta vermella, na que xa están cinco concellos da área sanitaria. Nas últimas 24 horas producíronse 82 contaxios novos e 24 altas, o que fai que suban en 58 persoas os casos activos, pasando dos 727 de onte a 785 hoxe. Ademais da subida a alerta vermella de Ribadumia, Cerdedo-Cotobade sobe a alerta laranxa, Cambados baixa a alerta amarela e O Grove sobe a alerta amarela. Alerta nivel 3 (vermella): Marín, Poio, Pontevedra, Ribadumia e Vilagarcía de Arousa. Alerta nivel 2 (laranxa): Cerdedo-Cotobade e Cuntis. Alerta nivel 1 (amarela): Caldas de Reis, Cambados (mantén os 23 casos de onte), O Grove, Sanxenxo, Vilaboa e Vilanova de Arousa. O número de pacientes hospitalizados sobe de 51 a 54 persoas, distribuídos en 48 pacientes no CHU de Pontevedra (39 en planta e 9 na UCI), 3 no Hospital Público do Salnés e 3 no Quirónsalud de Pontevedra. Na área sanitaria de Pontevedra-O Salnés desde o inicio da pandemia producíronse 3.184 casos de coronavirus, con 29 falecementos, 2.370 altas e 785 casos activos nestes momentos.