GALICIA VOLVE A SENDA DA BAIXADA DE ENFERMOS ACTIVOS

Segundo datos transmitidos por fontes da área de Ourense, esta engadiu nas últimas 24 horas 70 casos novos, por baixo de días previos, que se traducen en 39 casos activos máis. Estes chegan a 1.123 en toda a demarcación sanitaria, dos que 511, 10 máis que o día anterior, corresponden ao concello de Ourense (45,5% do total). No conxunto de Galicia, a pesar do incremento sostido en Ourense, os casos activos volven caer, ao pasar de 4.119 a 4.068, o que supón 51 menos nas últimas 24 horas. Un dato que se explica polo importante volume de altas, 247, que á súa vez conleva que os contaxios seguen nos dous centenares, tendo en conta dos catro falecementos notificados na tarde do martes. Por áreas sanitarias, na variación diaria de casos activos de Covid, máis aló de Ourense, A Coruña presenta 787 (-31); Lugo, 486 (-7); Pontevedra, 667 (-47); Vigo, 390 (-22); Santiago, 544 (+17); e Ferrol, 108 (-10). Santiago é, pois, a única cun saldo desfavorable. En canto á situación asistencial, hai 34 pacientes en UCI (-1) e 185 hospitalizados (-14), con 3.849 persoas nos seus domicilios. Faleceron 769 galegos e curáronse 20.591 desde o inicio da pandemia. Nas residencias sociosanitarias, hai 265 usuarios e 107 traballadores infectados en xeriátricos, e un usuario e 15 traballadores en centros para persoas con discapacidade. Seis usuarios e dous traballadores de distintos centros deron negativo e catro usuarios e dous traballadores súmanse á listaxe de positivos. Nos centros educativos, de acordo cos datos facilitados este mediodía, son 10 as aulas pechadas, por mor dun total de 419.