GALICIA ACHÉGASE AOS 800 MORTOS POR COVID

Os novos casos en Galicia de coronavirus ata as 18 horas do domingo son 308, en liña cos 313 detectados por PCR ata a mesma hora do sábado. Son datos afastados dos 400 diarios, pero tamén é certo que se fixeron 4.440 PCR en 24 horas, unhas 1.500 menos que no día previo.

Isto fai que os datos sexan case obrigatoriamente máis baixos: Ourense e a súa área sanitaria, basicamente, toda a provincia, rexistra 75 novos casos confirmados, mentres que o domingo informáronse de 86, sendo 11 menos. Pola contra,a área sanitaria de Santiago dispárase aos 72 novos casos, unha cifra que viña das 40 rexistradas o sábado e comunicadas o domingo, sendo 32 máis. O concello de Santiago pasou, coa incidencia do virus do últimos sete días, do nivel 2 ao nivel 3 de alerta, o máximo. Nese nivel tamén están, na provincia da Coruña, Ames e Arteixo, e en Ourense, a capital, O Carballiño, O Pereiro de Aguiar (cunha residencia intervida), Barbadás, O Barco, Verín e Monterrei. No resto de áreas localizáronse as seguintes cifras de positivos: na da Coruña son 66 casos máis, 15 por encima do último dato; en Ferrol foron 21 novos casos confirmados (tres máis); en Lugo, 35, con 11 casos máis; en Pontevedra son 26 os casos confirmados, un incremento de cinco. Por último, en Vigo e a súa área sanitaria elévanse en 24, moi por baixo das 62 infeccións detectadas o sábado e comunicadas o domingo (-38). O total de casos activos na Comunidade, isto é, o número de persoas coa enfermidade nestes momentos no seu organismo, sobe a 4.474, un incremento de 95 casos. Divídense por áreas desta maneira: 766 son da área da Coruña (+21), 460 da de Lugo (+2), 1.512 da de Ourense (+30), 511 da de Pontevedra (+4), 467 da área de Vigo (+3), 621 da de Santiago (+24), e 137 da de Ferrol (+15). Tamén sobe a positividade das probas PCR, é dicir, o número de probas PCR que saen positivas entre o total de test realizados. Pasa do 5,4% do sábado, ao 8,5% do domingo. É a segunda positividade máis alta da segunda onda, só superada polo 9,3% do 13 de setembro. O realizar menos probas, ao ser fin de semana, eleva este baremo. O total de probas PCR realizadas en Galicia é de 553.544. Por encima da media de positividade está a área de Santiago, cun 9,6% das probas, e Ourense, que se sitúa no 11,7%, mentres que o último dato era do 9%. A área da Coruña tamén está por encima, quedando no 8,6% a porcentaxe de PCR positivas. Hai catro persoas máis na UCI: o dato é de 39, e o último rexistrado falaba de 35. Hai 28 ingresados máis en planta, chegando a 198, e 4.237 enfermos no seu domicilio (+63). Hai 21.924 persoas curadas, 211 máis que na última actualización. Con todo, tivéronse que lamentar dous falecementos nas últimas horas, deixando a cifra en 786. Un dos últimos falecidos veñen de residencias, que acumulan 327 decesos. Trátase dunha muller de 84 anos e patoloxías, que faleceu na residencia de Vos Gozos, no Pereiro de Aguiar. Esa residencia é a que máis casos ten en Galicia. O outro morto tamén se circunscribe á área de Ourense: é outra muller, de 94 anos e patoloxías previas, que morreu no CHOU.