CASE 2500 NOVOS ENFERMOS EN 4 DÍAS

Os contaxios seguen por encima de 600, hoxe por culpa do rebrote nunha residencia de Ourense, e a cidade da Coruña pasa a alerta vermella. Continúa elevadísimo o número de contaxios en Galicia e por terceiro día consecutivo supera as 600 persoas. Hoxe este alto crecemento ten un protagonista, a área sanitaria de Ourense, debido ao rebrote nunha residencia de Barbadás, polo cal se produciron na área 153 contagios, unha cuarta parte do total. A outra noticia do día é que a cidade da Coruña pasa a alerta vermella e xa están todas as urbes galegas nese nivel de máxima alarma. Os 613 contaxios de hoxe son case un 50% máis que os 425 do luns da semana pasada. Na web de datos do Sergas di que nas últimas 24 horas confirmáronse 603 casos de COVID-19 por PCR, pero a diferenza entre o total de infectados desde o inicio da pandemia de hoxe (33.219) e o de onte (32.606) é de 613 persoas. Do mesmo xeito, os novos diagnosticados que indicamos por área sanitaria calcúlanse do mesmo xeito. Nas últimas 24 horas rexistráronse en Galicia 613 novos casos de SARS- CoV-2, 8 novos falecementos e 270 novas altas, o que fai que o número de casos activos aumente en 335, o maior crecemento ata o momento en nova normalidade, pasando dos 6.431 de onte a 6.766 hoxe, un novo máximo desde o inicio da pandemia. O total de hospitalizados en Galicia segue aumentando e superando os máximos rexistrados en nova normalidade, e hoxe chega a 444 tras 24 novos ingresos hospitalarios. O total de casos de COVID-19 en Galicia desde o inicio da pandemia é de 33.219. Hoxe todas as áreas sanitarias de Galicia aumentan o seu número de infectados, debido a que Ourense rexistra un altísimo número de novos casos polo rebrote nunha residencia de anciáns, polo que corta a súa tendencia descendente. A área máis afectada de Galicia é Ourense con 1.390 casos (+91), seguida de Vigo con 1.243 (+57), A Coruña con 1.167 (+45), Santiago con 1.222 (+33), Pontevedra con 683 (+44), Lugo con 673 (+22) e Ferrol con 488 (+43). Novos contaxios por áreas sanitarias A Coruña: 97 Ferrol: 54 Lugo: 61 Ourense: 153 Pontevedra: 61 Santiago: 84 Vigo: 103 Total: 613 O total de mortes en Galicia alcanza as 868 despois de oito falecementos nas últimas 24 horas, e xa é de 249 en nova normalidade. O total de pacientes hospitalizados chegou a 444 (24 máis que onte), distribuídos en 55 na UCI e 389 en unidades de hospitalización. O total de probas PCR realizadas é de 640.621, delas 7.127 nas últimas 24 horas, cunha positividade do 8,6%.  

Esta semana comezou moito peor que a anterior, que foi a de maior número de contaxios en nova normalidade. Os 613 casos de hoxe son case un 50% máis que os 425 do luns pasado.