CAMBADOS EN ALERTA VERMELLA- PONTEVEDRA-SALNÉS CONTINÚA O EMPEORAMENTO DOS DATOS

Coronavirus Pontevedra: Cambados en alerta vermella, 79 contaxios novos e 899 casos activos

Continúa empeorando enormemente a área pontevedresa e xa son seis municipios en alerta vermella. Coronavirus Galicia: 713 contaxios novos e soben os casos activos a 8.363. Novo máximo de casos activos na área sanitaria de Pontevedra e O Salnés, que se achega ao milleiro de casos activos. Hoxe a noticia do día é que Cambados únese á lista de municipios en alerta vermella dos últimos días (Marín, Poio, Pontevedra, Ribadumia e Vilagarcía de Arousa). Nas últimas 24 horas producíronse 79 contagios novos e 18 altas, o que fai que suban en 81 persoas os casos activos, pasando dos 838 de onte a 899 hoxe. Ademais da subida de Cambados a alerta vermella, Vilaboa sobe a alerta laranxa. Alerta nivel 3 (vermella): Cambados (33 casos, 7 máis), Marín, Poio, Pontevedra, Ribadumia e Vilagarcía de Arousa. Alerta nivel 2 (laranxa): Cerdedo-Cotobade, Cuntis e Vilaboa. Alerta nivel 1 (amarela): Bueu, Caldas de Reis, O Grove, Sanxenxo, e Vilanova de Arousa. O número de pacientes hospitalizados mantense en 58 persoas, distribuídos en 54 pacientes no CHU de Pontevedra (47 en planta e 7 na UCI), 2 no Hospital Público do Salnés e 2 no Quirónsalud de Pontevedra. A área sanitaria de Pontevedra-O Salnés inclúe as comarcas de Pontevedra, O Salnés, Caldas (excepto Valga e Pontecesures), Tabeirós-Terra de Montes (salvo a Estrada) e os municipios de Marín e Bueu pertencentes ao Morrazo. Desde o inicio da pandemia tivo 3.324 casos de coronavirus, con 30 falecementos, 2.395 altas e 899 casos activos nestes momentos.