BAIXAN OS POSITIVOS EN CAMBADOS

A área sanitaria de Pontevedra e O Salnés continua con un descenso continuo de casos activos, pero non que deixasen de diagnosticarse novo contaxios. Este martes hai 18 casos menos que o luns, hai que ter en conta que si se produciron 34 altas e un falecemento e foron 17 os novos positivos. 

Segundo o balance oficial de datos do  Servizo  Galego de  Saúde, este martes hai na área sanitaria 667 casos activos. Deles, 645 en corentena nos seus domicilios e o resto, 22, son pacientes ingresados en hospitais debido a súa gravidade. 

Nos hospitais siguen como nas últimas 24 horas en canto á cantidade de pacientes ingresados, aínda que si se pode afirmar que a área sanitaria suma un novo caso grave. 

Polo tanto, 15 pacientes ingresados en planta de hospitalización e sete na unidade de Coidados Críticos, xusto as mesmas cifras que o luns, pero hai que ter en conta que na tarde de onte faleceu un paciente de 85 anos con patoloxías previas que estaba ingresado en Montecelo, de modo que si chegou un paciente novo a este hospital. 

Este martes hai 13 pacientes no  Complexo Hospitalario Universitario de Pontevedra, 1 no Hospital QuirónSalud Miguel Domínguez Pontevedra e 1 no Hospital do Salnés. Os sete máis graves están na UCI de Montecelo. 

Desde o inicio do plan de continxencia da covid-19 curáronse 1.580 pacientes, 34 na última xornada, e faleceron por este virus na área sanitaria 22 pacientes, o último tamén na última xornada.

Polo que respecta a Cambados hai que decir que segundo o balance do Sergas, hai tres enfermos menos que onte, ao producirse tres baixas e ningún diagnóstico positivo. En corentena hai 27 persoas relacionados con este brote. O resto de concellos do Salnés tamén baixa agás un que sube 1 caso pero este concello era dos que menos incidencia tiña.