A ÁREA PONTEVEDRA-SALNÉS PASA XA DOS 600 POSITIVOS

Continúa empeorando a área sanitaria pontevedresa e xa conta con catro municipios en alerta vermella.

A área sanitaria de Pontevedra e O Salnés segue sumando un alto número de casos novos. Nas últimas 24 horas producíronse 49 novos contaxios de coronavirus e 22 altas, o que fai que suban en 27 persoas os casos activos, pasando dos 595 de onte a 622 hoxe. A noticia do día é que o municipio de Marín, veciño de Pontevedra, sobe ao nivel de alerta vermella, polo que toda a área metropolitana da capital do Lérez está nese estado. Ademais da subida de Marín a alerta vermella, Cuntis sobe a alerta laranxa. Alerta nivel 3 (vermella): Marín, Poio, Pontevedra e Vilagarcía de Arousa. Alerta nivel 2 (laranxa): Cuntis, Vilaboa. Alerta nivel 1 (amarela): Caldas de Reis, Cambados, Sanxenxo e Vilanova de Arousa. O número de pacientes hospitalizados sobe de 37 a 50 persoas, distribuídos en 44 pacientes no CHU de Pontevedra (37 en planta e 7 na UCI), 4 no Hospital Público do Salnés e 2 no Quirónsalud de Pontevedra. A área sanitaria de Pontevedra-O Salnés inclúe as comarcas de Pontevedra, O Salnés, Caldas (excepto Valga e Pontecesures), Tabeirós-Terra de Montes (salvo a Estrada) e os municipios de Marín e Bueu pertencentes ao Morrazo. Desde o inicio da pandemia tivo 2.921 casos de coronavirus, con 28 falecementos, 2.271 altas e 622 casos activos nestes momentos.

Casos hoxe en Cambados: 20 (4 máis)

55 contactos en seguimento.