RECORD DE MORTES E DE ALTAS QUE FAI BAIXAR O NÚMERO DE ENFERMOS

Os casos activos de coronavirus en Galicia rexistraron un lixeiro descenso este xoves. A Consellería de Sanidade informou por medio do seu balance estatístico diario de que a última cifra sitúase en 4.358, seis menos que os contabilizados onte. Trátase do segundo día desde mediados xullo en que os contagios baixaron.
Os datos da Consellería de Sanidade, para os que se toman cifras da tarde de onte, mostran que o número de persoas curadas pasou de 14.158 a 14.434, o que supón un incremento de 276. Ademais, os falecementos soben en catro, tres comunicados onte pola tarde e un comunicado este mesmo xoves, o que indica que o sistema sanitario confirma 284 novos contaxios. Desagregado por áreas sanitarias, 1.407 dos pacientes pertencen á da Coruña (17 menos que onte), 894 á de Lugo (26 menos), 473 á de Ourense (once máis), 402 á de Pontevedra (23 máis), 348 á de Vigo (catro máis), 658 á de Santiago (un menos) e 176 á de Ferrol (sen cambios). En canto á presión hospitalaria, 25 están en UCI (igual que onte), 184 atópanse noutras unidades de hospitalización (tres máis) e o resto, 4.149, pasan a enfermidade nos seus domicilios. As altas ascenden a 14.434 e os falecementos a 672, Tres novos falecidos elevan a sete as notificadas este mércores e a 671 cómputo de vítimas da COVID-19 Todos eles presentaban patoloxías previas e o falecido en Lugo estaba relacionado co brote de COVID rexistrado na residencia do Incio. Esta mesmo mércores comunicouse o falecemento doutras dúas persoas en hospitais galegos e dúas producida en residencias. As mortes en atención hospitalaria foron dous homes de 81 e 71 anos, ambos con patoloxías previas, que se atopaban ingresados no Complexo Hospitalario Universitario de Santiago e no Hospital Lucus Augusti de Lugo. As residencias de maiores, por último, atópanse con 249 usuarios e 82 traballadores infectados. Só rexistrouse un positivo nas últimas horas (un empregado da residencia do Incio), á vez que outros tres internos foron eliminados da lista.