PONTEVEDRA-SALNÉS CON MENOR POBOACIÓN, SUPERA A VIGO EN CASOS DE CORONAVIRUS

A área de Pontevedra e O Salnés, cos seus 371 casos atópase xa por riba da de Vigo, que conta cunha poboación de pacientes moito maior e que presenta 346 enfermos.

Segundo o balance oficial realizado polo Servizo Galego de Saúde, nas últimas 24 horas detectáronse 33 novos contaxios, que elevan a 371 os casos activos.

A área sanitaria ten dez pacientes hospitalizados con COVID-19, igual cifra que onte luns. Oito están a ser atendidos en planta no CHOP e dous máis están ingresados na unidade de coidados críticos (UCI) de Montecelo.

O resto dos casos, 361, reciben tratamento nos seus respectivos domicilios e son seguidos polas autoridades médicas. Nesta área sanitaria curáronse un total de 1.048 pacientes, cinco deles nas últimas 24 horas, e faleceron 18 pacientes na área sanitaria.