Os casos de coronavirus en Galicia aceleran o seu incremento. Se este mércores o balance reflectía un incremento de seis, o deste xoves non trae boas noticias. Os casos activos en Galicia son 444, 32 máis que o mércores (44 se sumamos as altas). O gran incremento prodúcese na área coruñesa, con 21 casos activos máis.
Mentres que a UCI sigue igual, con dous ingresados, tamén se incrementan os casos hospitalizados en planta: de 17 a 21.
Ademais dos 21 casos máis na Coruña, o que coloca a esta zona en 177 casos activos, a de Vigo elévase en 3, ata os 78, a de Lugo baixa un, de 73 a 72, a de Pontevedra sobe dúas, de 41 a 43, a de Santiago cinco, de 30 a 35, a de Ourense dúas, de 32 a 34, e a de Ferrol segue igual, con cinco casos activos.
Rexistráronse case 2.000 PCR máis, chegando a 260.785. 11.381 (12 máis que onte) persoas están xa curadas e 421 pasan a enfermidade no domicilio. O mércores coñecéronse novos brotes, como un en Caldas, vinculado a unha familia, con 10 positivos, e outro en Vimianzo, con cinco.
PONTEVEDRA-SALNÉS
A Consellería de Sanidade confirma a existencia do brote de coronavirus de Caldas de Reis, no que hai 12 casos confirmados, todos eles illados e ningún hospitalizado.
A pesar destes 12 casos confirmados en Caldas, desde o area sanitaria de Pontevedra e O Salnés confirman que este venres tan só hai dous casos activos máis que o xoves, de modo que os contaxios de Caldas de Reis xa se foron sumando ás estatísticas durante os días previos da semana. Oficialmente, o brote non se recoñeceu ata este venres.
En total, este venres hai 43 casos activos fronte aos 41 do xoves. Deles, 42 están en seguimento domiciliario e un atópase hospitalizado en planta do Complexo Hospitalario Universitario de Pontevedra.
No hay comentarios:
Publicar un comentario
NON SE PUBLICARÁN COMENTARIOS ANÓNIMOS. SI O COMENTARISTA QUERE PERMANECER NO ANONIMATO, NON SE PUBLICARÁ O NOME.