MÁIS DE 240 NOVOS CASO E UN FALECEMENTO EN GALICIA DESDE ONTE

A boa noticia é que a alza de casos, que chegan a 2.939, suavízase. A máis negativa e luctuosa, un novo falecemento nunha residencia da terceira idade. É o balance deste xoves da pandemia de coronavirus en Galicia, onde son xa 635 as vítimas mortais que se cobra o virus. A última, unha persoa usuaria de Orpea Coruña, en Culleredo. No seu parte diario, a Consellería de Sanidade non precisa máis datos sobre idade ou posibles patoloxías de base. Fuentes da Consellería de Política Social precisaron que se trata dunha muller de 93 anos. Trátase do segundo óbito que se produce neste xeriátrico galego, o segundo máis afectado polo Covid-19 tras o do Incio: tres usuarios deste centro da terceira idade, na provincia de Lugo, tamén perderon a vida. En total, desde o inicio da pandemia, 135 persoas morreron en residencias, e outros 144 usuarios fixérono unha vez trasladados a hospitais ou a residencias integradas. O Total de diagnosticados onte é de 242, 144 activos máis 97 altas e un falecemento. O salto diario de casos activos, de 2.798 a 2.939, tempérase. Son 141 nesta ocasión, máis en liña co notificado o martes que este mércores, cando volveu pasarse a barreira dos 200.
Dos 2.939 casos activos, 1.304 corresponden á área da Coruña e Cee,29 máis que este mércores; 482 á de Lugo, 41 máis; 404 á de Santiago 22 máis, 185 á de Vigo, oito máis, 179 á de Pontevedra e O Salnés, 14 máis; 266 á de Ourense, 23 máis; e 119 á de Ferrol, catro máis. En canto á presión hospitalaria, hai un paciente menos en UCI, 12 nestes momentos, pero 95 en unidades de hospitalización, o que supón 11 máis. Curáronse 12.183 persoas, o que implica 97 altas nas últimas 24 horas.