GALICIA SUMA MÁIS CASOS E MÁIS INGRESOS EN UCI´s

Continúa o repunte de casos de coronavirus en Galicia. A Consellería de Sanidade informou de que o total deste martes ascende a 375, 16 (27 si contamos as altas) máis que onte, cando o aumento respecto ao día anterior disparouse ata os 38 novos contaxios activos. Dese total, 150 concéntranse na área sanitaria da Coruña (sete máis), 71 na de Lugo (igual), 67 na de Vigo (tres máis), 29 na de Pontevedra (un máis), 28 na de Ourense (dúas máis), 26 na de Santiago (dúas máis) e catro na de Ferrol (un máis). Tamén aumenta o número de pacientes en UCI, que pasan dun onte a dous hoxe, segundo apuntou a Consellería. Outros 15 permanecen en unidades de hospitalización (mesmo número que na véspera) e 358 atópanse nos seus domicilios ao non presentar unha sintomatoloxía grave. Así mesmo, as altas ascenden a 11.318 (once máis) e as PCR realizadas a 255.305 (case mil máis).

PONTEVEDRA-SALNÉS A área sanitaria de Pontevedra e O Salnés contabiliza este martes 29 pacientes que deron positivo na enfermidade. Hai un paciente con Covid-19 hospitalizado en planta do  Complexo Hospitalario Universitario de Pontevedra e os outros 28 evolucionan en domicilio.