ALZA IMPORTANTE DE ENFERMOS NA ÁREA PONTEVEDRA-SALNÉS

Alza importante no número de casos activos de coronavirus na área sanitaria de Pontevedra e O Salnés. 

Hoxe luns 17 de agosto hai 70 enfermos que padecen o coronavirus, 10 (11 no total ao sumar unha nova alta) máis que o domingo.

A última actualización de datos do Servizo Galego de Saúde, amosa este incremento de casos que tamén se rexistrou na última xornada no resto de Galicia. Así, en toda a comunidade hai 1.400 casos activos de coronavirus, 118 máis (139 si se engaden as altas) que os 1.282 que se contabilizaron onte domingo. 

No caso de Pontevedra e O Salnés, non hai pacientes con Covid-19 hospitalizados en planta nin en área de coidados críticos nos hospitais da área sanitaria, polo que os 70 casos activos mantéñense nos seus domicilios. 

Desde o inicio do plan de continxencia da Covid-19 curáronse 935 pacientes, un nas últimas 24 horas, e faleceron por este virus na área sanitaria 17 pacientes, o último, un home de 60 anos, esta fin de semana. 

A área de Pontevedra mantén en corentena a 33 profesionais do CHUP por un positivo en Pneumoloxía O protocolo preventivo COVID da área Sanitaria de Pontevedra e O Salnés mantén en corentena a 33 profesionais do Complexo Hospitalario Universitario de Pontevedra ( CHUP), que evolucionan no seu domicilios, tras realizar en datas pasadas procedementos asistenciais nun paciente con este coronavirus ingresado no Servizo de Pneumoloxía e que finalmente faleceu o pasado sábado, 15 de agosto.