VOLTA ATRÁS NA MARIÑA LUCENSE, CONFINADA

O rebrote da Mariña obrigou ao Goberno galego a decretar o peche desta comarca lucense, un illamento que se prolongará durante cinco días e que será efectivo desde esta medianoite. Os alcaldes dos concellos afectados (14 municipios do distrito sanitario) foron os primeiros en coñecer a medida, que busca limitar ao máximo os contactos na zona pechando os cinco accesos á comarca e impedindo as saídas e entradas salvo con causa xustificada, como por motivos laborais. Trátase dunha volta atrás aos momentos máis estritos do confinamento coa que Sanidade pretender limitar un brote que se diseminó polos municipios da zona a través de varios bares do porto de Burela nos que case todos os camareiros resultaron ser positivos. O anuncio do peche da comarca fíxoo o conselleiro de Sanidade desde o hospital Lucus Augusti, onde Jesús Vázquez Almuíña explicou que se están extremando os rastrexos para aflorar todos os casos posible e que diariamente se fará unha avaliación da evolución dos casos. «O feito de que a maior parte dos positivos sexan novos é bo porque responde mellor ao virus, pero tamén está o perigo de que moitos son asintomáticos, polo que pedimos a colaboración de toda a sociedade» indicou o conselleiro sobre un brote cunha media de idade de afectados de 35 anos. Entre as medidas que entrarán en vigor a partir das 00.00 horas, e que serán revisadas dentro de cinco días en función do desenvolvemento do brote, destaca o uso obrigado da máscara «para calquera actividade, exterior ou interior». «Sempre que salgamos de casa temos que levala, e ben colocada, o que implica que cubra as fosas nasais e a cara ata o queixo». O peche da comarca implica unha limitación dos aforos dentro da zona acoutada, a través dunhas medidas que se perfilarán no DOG esta tarde. Ademais, recoméndase a toda a poboación que permaneza nos seus municipios, na medida do posible, aínda que dentro do distrito sanitario a mobilidade será total. Os aforos van reducir, en xeral, ao 50 %. Controlarase o horario de peche dos locais de hostalería, sobre todo bares e cafeterías, que deberán pecharse ás 12 da noite e as reunións familiares serán como máximo de 10 persoas se non son conviventes. Tamén se insiste na esixencia de que, #ante calquera síntoma, déase traslado aos servizos médicos.