A PESAR DAS ALTAS SEGUE AUMENTANDO O NÚMERO DE ENFERMOS

A Dirección Xeral de Saúde Pública da Consellería de Sanidade informa que, na última actualización, o número de casos activos de coronavirus en Galicia é de 259, deles 25 son da área da Coruña, 196 da de Lugo, 2 da de Ourense, 4 da de Pontevedra, 16 da área de Vigo, 14 da de Santiago, e 2 da de Ferrol. Un aumento de tres pacientes (21 novos positivos con respecto a onte) ata os 259 con seis novos na área de Lugo -onde se rexistra un brote na Mariña-, tres na Coruña, un en Ourense e outro na área de Pontevedra. En canto aos curados, ascenderon en 18, ata os 10.898 pacientes.

Do total de pacientes positivos, 1 permanece en UCI, 7 están en unidades de hospitalización e 251 no domicilio. Polo de agora, en Galicia hai un total de 10.898 persoas curadas, rexistrándose 619 falecementos.

O número de PCR realizadas é de 210.649.

A Consellería de Sanidade informou este venres de que o total de infectados nesta provincia ascende a 196, seis máis que os rexistrados onte e unha cifra afastada da vintena diaria das últimas xornadas. En canto á asistencia recibida, un paciente permanece en UCI (o primeiro en case un mes), sete atópanse en unidades de hospitalización (cinco deles na comarca lucense da Mariña) e o resto, 251, permanecen con atención telemática nos seus domicilios. 10.898 persoas xa se curaron e a situación nos centros de maiores é de dous empregados contaxiados, un deles pertencente á residencia de Burela.