GALICIA REDUCE UN 25% OS CASOS ACTIVOS DE ONTE A HOXE

Comunidade conta, con datos de onte xoves, con 357 casos activos. Seguen sendo moitos, pero a diferenza coa última actualización é notable, xa que o xoves había 465, polo que se produce unha baixada de 108 casos, máis do 24% dos que había. A gran redución prodúcese nos casos que se seguen nos seus domicilios: de 454, agora hai 349. Iso significa que só hai oito positivos en hospitais, 3 menos que a última actualización, e segue sen haber ningunha persoa con coronavirus na UCI. Os falecementos, despois de que onte non houbese ningún, seguen en 619, mentres que os curados soben xa a 10.470 galegos. En residencias, que foron golpeadas violentamente por esta pandemia, seguen contando con algún caso, aínda que só 25 dos 357 activos pertencen a algún centro de maiores ou discapacitados: 11 deles son usuarios e 11 son profesionais. Faleceron 274 persoas vinculadas a estes centros, sobre a metade dos falecementos totais. O número de probas PCR, que se deben facer a todas aquelas persoas que presenten síntomas, elévanse ata as 156.036. Iso significa que se fixeron mil máis que as reflectidas no último boletín. Por áreas sanitarias, a viguesa continúa sendo a que ten unha maior afectación. Conta con 148. Séguelle a coruñesa, con 105, e despois a de Santiago con 34. 28 hai en Ourense, 22 en Lugo, 12 en Ferrol e xa só 8 en Pontevedra.

O balance ofrecido este venres 12 de xuño pola Consellería de Sanidade contabilízanse 8 casos activos de coronavirus na área Pontevedra-O Salnés, 3 casos menos que onte, resultado das tres altas e ningún novo contaxiado.

Todos os afectados con positivo activo reciben atención médica nos seus respectivos domicilios.

Desde o inicio da pandemia curáronse en Pontevedra e O Salnés 891 persoas afectadas de  Covid-19, mentres que os falecementos asociados á pandemia seguen sendo de 16.