CINCO DÍAS CONSECUTIVOS SEN MORTES EN GALICIA

Galicia deixa definitivamente atrás a escura etapa de falecementos por coronavirus. A Comunidade encadeou onte, luns, cinco xornadas seguidas sen rexistrar novas defuncións, que se manteñen en 618 desde o pasado mércores. Neste sentido, a Consellería de Sanidade informou de que o total de contaxios activos sitúase en 503, doce menos que onte. Unha persoa permanece en UCI, 15 atópanse en unidades de hospitalización e o resto, 487, reciben atención telemática desde os seus domicilios. O total de curados ascende a 10.275 e o de PCR, a 152.130. Por áreas sanitarias, a distribución é a seguinte: 112 pacientes atópanse na Coruña, 192 na de Vigo, 105 na de Santiago, 37 na de Ourense, 31 na de Lugo, 13 na de Pontevedra e outros 13 na de Ferrol.

Pontevedra-O Salnés é a área sanitaria galega con menor número de casos activos de coronavirus xunto a Ferrol, ao situarse este martes 9 de xuño nos 13 casos.

No balance diario que ofrece a Consellería de Sanidade, apréciase un descenso de tres casos activos con respecto a onte, despois de catro xornadas sen cambios.

Producíronse 4 altas epidemiolóxicas mentres que se rexistrou un novo contaxio. O máis positivo segue sendo unha xornada máis a ausencia de pacientes hospitalizados con positivo activo en coronavirus, xa que os 13 casos evolucionan nos seus domicilios.

Desde o inicio da pandemia curáronse 885 pacientes afectados polo Covid-19 na área sanitaria, mentres que a cifra de falecementos asociados ao  cirus mantense en 16.