Os novos casos positivos por Covid-19 detectados na Mariña lucense elévanse a once, oito deles nunha mesma familia, segundo confirmou o xerente da área sanitaria de Lugo, A Mariña e Monforte, Ramón Ares.
Este martes detectábanse oito novos casos de coronavirus que pertencen a unha mesma familia da Mariña lucense. O xerente da área sanitaria de Lugo, Ramón Ares, precisou que "a partir do primeiro caso detectado" empezouse a facer "un estudo de contactos" e detectáronse sete casos máis, o que fan un "total de oito na mesma familia".
O contaxio produciuse nunha reunión familiar o pasado 13 de xuño e dos oito infectados do núcleo familiar só dous "presentan sintomatoloxía leve" e todos están "a facer illamento domiciliario", segundo afirmou o xerente da área sanitaria lucense.
Agora continúa o estudo "de contactos" para detectar máis positivos. Con este fin, realizáronse 26 probas PCR. Este xoves confirmouse "a existencia de tres casos positivos en Covid-19 máis, o que eleva a 11 o número de casos do brote de Xove".
Un dos pacientes está ingresado no Hospital Público da Mariña e os outros dous permanecen en seguimento domiciliario. As outras 23 probas arroxaron resultado negativo.
Ademais, Ares afirmou que se seguirán "investigando todos os contactos" ata que se teña asegurado "todo o brote". O obxectivo, para o xerente da área sanitaria, é "pechar todos os posibles casos" para controlar o devandito brote.
Mentres, o outro brote rexistrado en Galicia, detectado a fin de semana pasada na comarca da Barbanza, mantense estable, con nove casos positivos en Ribeira e na Pobra.
Este martes detectábanse oito novos casos de coronavirus que pertencen a unha mesma familia da Mariña lucense. O xerente da área sanitaria de Lugo, Ramón Ares, precisou que "a partir do primeiro caso detectado" empezouse a facer "un estudo de contactos" e detectáronse sete casos máis, o que fan un "total de oito na mesma familia".
O contaxio produciuse nunha reunión familiar o pasado 13 de xuño e dos oito infectados do núcleo familiar só dous "presentan sintomatoloxía leve" e todos están "a facer illamento domiciliario", segundo afirmou o xerente da área sanitaria lucense.
Agora continúa o estudo "de contactos" para detectar máis positivos. Con este fin, realizáronse 26 probas PCR. Este xoves confirmouse "a existencia de tres casos positivos en Covid-19 máis, o que eleva a 11 o número de casos do brote de Xove".
Un dos pacientes está ingresado no Hospital Público da Mariña e os outros dous permanecen en seguimento domiciliario. As outras 23 probas arroxaron resultado negativo.
Ademais, Ares afirmou que se seguirán "investigando todos os contactos" ata que se teña asegurado "todo o brote". O obxectivo, para o xerente da área sanitaria, é "pechar todos os posibles casos" para controlar o devandito brote.
Mentres, o outro brote rexistrado en Galicia, detectado a fin de semana pasada na comarca da Barbanza, mantense estable, con nove casos positivos en Ribeira e na Pobra.
No hay comentarios:
Publicar un comentario
NON SE PUBLICARÁN COMENTARIOS ANÓNIMOS. SI O COMENTARISTA QUERE PERMANECER NO ANONIMATO, NON SE PUBLICARÁ O NOME.