SUBE O NÚMERO DE HOSPITALIZADOS NA ÁREA PONTEVEDRA-SALNÉS

Aumentan os casos hospitalizados por coronavirus. A área sanitaria de Pontevedra e O Salnés rexistra, un único paciente con COVID-19 positivo hospitalizado no hospital QuirónSalud de Pontevedra, e tres no Hospital Montecelo que onte estaba libre de enfermos con esta patoloxía Así o informou a área Sanitaria de Pontevedra e O Salnés. As mesmas fontes indicaron que este domingo son 142 os casos positivos, isto é 5 menos que onte sábado (147). Destes número despréndese que son 138 os pacientes que están a pasar a enfermidade nas súas casas. Desde o inicio do plan de continxencia pola COVID-19 curáronse 670 pacientes na área de Pontevedra e O Salnés, ningunha alta no sábado pero son 7 as altas a día de hoxe.
O total de persoas que contraxeron a enfermidade na área Pontevedra-O Salnés elévase a 828, sumando os activos, os curados e os falecidos que a día de hoxe son 16.