DECLARACIÓN INSTITUCIONAL DO CONCELLO DE CAMBADOS

“Declaración Institucional e medidas relacionadas coa crise sanitaria do Covid19”

-Para comezar o pleno de hoxe solicitado polo Partido Popular de Cambados a alcaldesa Fátima Abal fixo unha declaración institucional no nome da Corporación local.

"Arrancou, dando o máis sentido pésame da Corporación local de Cambados ás familias de todas as persoas falecidas, moi especialmente á familia do noso veciño de Vilariño, o Sr Núñez, especialmente á súa muller e ao seu fillo Benito. Por todas as persoas falecidas as bandeiras do Concello de Cambados ondean a media asta desde hai dous meses e ademáis neste momento  imos gardar un minuto de silencio na súa honra.

-Asímesmo queremos manifestar públicamente o noso inmenso agradecemento a todas as persoas que arriscando a súa saúde e as súas vidas, e as das súas familias, están a loitar de xeito incansable por poñerlle freo a esta pandemia mundial.  Queremos agradecer tamén de xeito singularizado á plantilla do Concello de Cambados que desde o primeiro día están a traballar nos servizos esenciais de luns a domingo, a aqueles que seguiron realizando a súa labor municipal mediante o teletraballo coas dificultades que elo supón, poñendo medios propios a disposición do Concello de Cambados, e a todas aquelas persoas que asumiron competencias e tarefas que non lles correspondían, para que en ningún momento desde o día 12 de marzo, este Concello se vise paralizado e toda a veciñanza pudera dispor de seguridade, diferentes servizos, axudas, e se proseguise coa tramitación de expedientes, cunha atención telefónica, telemática e mesmo a domicilio". 


Todos os grupos sumáronse a este comunicado no momento da sua intervención.