TODO O QUE SE PODERÁ FACER OU NON A PARTIR DO 27 DE ABRIL

Pedro Sánchez anunciaba no día de onte a súa intención de alongar o estado de alarma ata o 9 de maio. Con todo, a partir do 27 de abril notaremos como as medidas de confinamento poden ser algo máis relaxadas, o que indica que imos na boa dirección no que á loita contra o coronavirus refírese. Sempre con precaución e deixando no aire a posibilidade dunha marcha atrás en canto se detecte o menor síntoma de retroceso, o goberno comeza a valorar outros escenarios que nos devolvan aos poucos á rúa. Ata o de agora o Real Decreto 463/2020 que regula o estado de alarma establece que «durante a vixencia do estado de alarma as persoas unicamente poderán circular polas vías ou espazos de uso público para a realización das seguintes actividades, que deberán realizarse individualmente, salvo que se acompañe a persoas con discapacidade, menores, maiores, ou por outra causa xustificada». Aínda non hai nada decidido, pero a primeira medida estará dirixida aos menores de 12 anos onde se baralla que poidan saír á rúa. Ata o de agora o decreto permitía que puidesen acompañar a un dos seus proxenitores en saídas esenciais como acudir á farmacia ou a comprar nos casos nos que tivesen que quedar sós en casa. A partir do 27 de abril, os menores poderán «saír un intre» baixo unhas medidas específicas de seguridade que nos próximos días faranse públicas. Entre os movementos permitidos estarán: Compra de alimentos, medicamentos ou outros produtos de primeira necesidade, visitas ao médico ou aos hospitais, acudir ao traballo; retorno ao lugar de residencia; coidado de maiores; menores, dependentes, persoas con discapacidade ou persoas especialmente vulnerables; visitas a entidades financeiras e de seguros ou por causa de forza maior ou situación de necesidade. Nada de deporte ao aire libre nin visitas a amigos e familiares Polo momento os amantes do deporte ao aire libre deberán esperar un pouco para poder gozar do seu hobby, pois permanece a prohibición de practicar deporte ou paseos pola vía pública. Ao ser preguntado Pedro Sánchez respecto diso, o presidente non aclarou o tema a pesar de ser unha das peticións máis demandadas pola poboación. As visitas a amigos e familiares, a non ser que se traten de persoas maiores, dependentes, con discapacidade ou que sexan especialmente vulnerables, tampouco se poderán realizar. En cambio, vodas e enterros poderanse celebrar seguindo os protocolos de seguridade e evitando aglomeracións. Os desprazamentos en coche deberán facerse para ir traballar, volver ao lugar de residencia ou para asistir a unha persoa maior ou levarlle comida, e sempre se deberá facer de maneira individual. Os condutores non poderán ir acompañados mentres dure o estado de alarma salvo excepcións. Sacar a pasear ao can para que faga as súas necesidades continúa sendo unha das excepcións para saír á rúa tendo en conta que debe facerse de maneira individual quedando prohibido irse a outras zonas da cidade. Así mesmo, débese priorizar que os paseos se fagan en horario de menor afluencia de xente e evitar o contacto con outros animais e persoas. Bares e restaurantes terán que esperar Os locais de hostalería continuarán pechados pero non así outros comercios como: Tendas de alimentos e bebidas; farmacias; ópticas e ortopedias; establecementos médicos e sanitarios; droguerías; quioscos de prensa e papelerías; estancos; gasolineiras; equipos tecnolóxicos e de telecomunicacións; tinturerías e lavanderías; locais de aluguer de vehículos pero só para uso profesional ou para devolver coches alugados antes do 19 de marzo; as barberías poderán funcionar, pero só a domicilio; tendas de alimentos para mascotas e clínicas veterinarias. Toda a venda ' online', que poderá ser regulada polo Ministro de Transportes.