SEGUE A TENDENCIA Á BAIXA EN TODOS OS PARÁMETROS

Hoxe contabilizáronse 158 contaxiados novos de coronavirus en Galicia para facer un total de 7494 infectados desde o inicio da pandemia. O dato é o menor das últimas semanas, inferior aos 160 novos casos de onte, e tamén a menor porcentaxe de crecemento desde que comezou esta crise: só o 2,15%. O dato é tamén inferior aos 207 novos enfermos que se reportaron o pasado luns 6, polo que se confirma a tendencia á baixa da propagación da enfermidade.

O número de casos activos de coronavirus en Galicia ascende a 5.939, deles 1.252 son da área da Coruña, 591 da de Lugo, 1.166 da de Ourense, 501 da de Pontevedra, 1.090 da área de Vigo, 1.001 da de Santiago, e 338 da de Ferrol.

Do total de pacientes positivos, 136 permanecen en UCI, 735 están en unidades de hospitalización e 5.068 no domicilio. Polo de agora, en Galicia rexistráronse 1.186 altas de pacientes e 369 falecementos.

A Consellería de Sanidade informou este luns da morte de tres novas pacientes de coronavirus, todas con patoloxías previas, coas que se eleva a 365 o reconto de vítimas por mor da enfermidade en Galicia. As defuntas son tres mulleres de 75, 87 e 88 anos que perderon a vida nos complexos hospitalarios de Ferrol, Ourense e A Coruña, segundo apuntou a Consellería. A estas tres mortes hai que sumar as 3 persoas falecidas onte en centros residenciais, 1 foi na residencia Portazgo (A Coruña), 1 na residencia DomusVi Cangas e 1 na residencia DomusVi Barreiro (Vigo). No caso de España, baixaron os contaxios e os falecementos respecto a onte. Reportáronse 517 falecementos para facer un total de 17.489 desde que comezou a pandemia, e un total de 169.496 enfermos tras 3477 novos infectados.