GALICIA ROZA OS 400 FALECIDOS POR CORONAVIRUS

Galicia roza xa os 400 falecementos por coronavirus, tras notificar o Sergas seis novos óbitos, que elevan o total a 397 (o último balance, desta mañá, cifraba as mortes en 391). Trátase de dous homes de 66 e 76 anos e unha muller de 88 no CHUAC coruñés, un home de 75 no CHUO de Ourense, un home de 82 en Povisa (Vigo) e unha muller de 82 no CHUS santiagués, todos con patoloxías previas.

Nos 397 están engadidos os falecementos producidos en residencias no día de onte e que se actualiza unha vez no día. Son 397 os falecementos, dos que 92 producíronse en residencias e 82 corresponden a usuarios de centros de maiores que perderon a vida en hospitais e residencias integradas. Este martes faleceron outros cinco anciáns en centros residenciais: un Matogrande (A Coruña), outro en Foz (Lugo), un terceiro en Cangas e dous máis en San Lázaro (Santiago).