DOUS FALECIDOS MÁIS E MENOS CONTAXIOS QUE ONTE

O Sergas comunica o falecemento dun home de 61 anos que estaba ingresado no Complexo Hospitalario Universitario da Coruña. Foi diagnosticado de coronavirus e tiña pluripatologías previas. Elévase así a 22 o número de vítimas do Covid-19 na Comunidade. Durante a primeira hora da mañán o Sergas informaba do falecemento dun home de 83 anos que estaba ingresado no Hospital da Mariña. Estaba diagnosticado de coronavirus e tiña recoñecidas varias patoloxías previas.

En Galicia, o novo dato sitúa os contagios en 1.415.

A Dirección Xeral de Saúde Pública da Consellería de Sanidade informa que, na última actualización, o número de casos de coronavirus en Galicia ascende a 1.374, deles 359 son da área da Coruña, 97 da de Lugo, 152 da de Ourense, 179 da de Pontevedra, 312 da área de Vigo, 239 da de Santiago, e 36 da de Ferrol.

Do total de pacientes positivos, 54 permanecen en UCI, 337 están en unidades de hospitalización e 983 no domicilio. Polo de agora, en Galicia rexistráronse 19 altas de pacientes e 22 falecementos. Os últimos falecidos eran un varón de 83 anos, que estaba ingresado no Hospital da Mariña, e que tiña patoloxías previas; e outro varón, de 61 anos, que estaba ingresado no Complexo Hospitalario Universitario da Coruña, e tamén tiña patoloxías previas.

Nas últimas 24 horas producíronse na nosa comunidade un total de 207 positivos novos, a segunda cifra máis alta tras os 293 casos contabilizados do domingo ao luns. Por tanto, reduciuse o número de contaxiados diarios por primeira vez desde o mércores pasado.


Estes datos habería que tomalos con prudencia, pois os expertos sinalaron que a peor fase do virus está por vir. Esto é o contrario do sucedido no resto do estado. España viviu este luns o peor día, en números xerais, desde que empezou a crise sanitaria do coronavirus no noso país. En 24 horas produciuse un aumento de 4.517 contagios e 462 mortos, o récord ata o momento.

España rexistra 39.673 casos e 2.696 falecementos, segundo os últimos datos facilitados polo Ministerio de Sanidade. O número de mortes ascende en 514 en só 24 horas. O níumero de hospitalizados na UCI sitúase en 2.636, mentres que o número de altas está xa en 3.794.