CINCO OBRADOIROS SMARTPEME EN CAMBADOS EN FEBREIRO

Cambados acolle en febreiro cinco novas accións formativas do programa "Smartpeme"

Están dirixidas á adaptación das empresas e proxectos emprendedores da provincia ao novo escenario dixital no que desenvolver as súas actividades 05 febreiro 2020

A Deputación de Pontevedra programou para o mes de febreiro cinco novas accións formativas do programa "Smartpeme" en Cambados. Estas sesións están dirixidas á adaptación das empresas e proxectos emprendedores da provincia ao novo escenario dixital no que desenvolver as súas actividades e aproveitar as ferramentas existentes, co obxectivo de aumentar a súa competitividade.

Deste xeito, os cursos impartiranse dende o 6 ata o 25 de febreiro e serán os seguintes: "Fotografía e vídeo para espazos interiores", que terá lugar este xoves 6 de febreiro de 19:00 a 21:00 horas, "Plataformas de comercialización para vivendas e apartamentos turísticos", que se realizará o martes 11 de febreiro de 17:00 a 19:00 horas, "O teu plan de marketing dixital paso a paso", que se impartirá o xoves 13 de febreiro de 18:00 a 21:00 horas, "Desenvolve a túa propia estratexia de email marketing", que será o xoves 20 de febreiro de 19:00 a 21:00 horas, e "Crea unha campaña de email marketing con Benchmarkemail (Práctica)", que terá lugar o martes 25 de febreiro de 19:00 a 21:00 horas.

Estes obradoiros impartiranse no Centro ExpoSalnés (Paseo da Calzada s/n, Cambados). As inscricións para tomar parte nas accións formativas pódense facer no número de teléfono 886 20 20 20, no correo electrónico info.smartpeme@depo.es ou na páxina web www.smartpeme.depo.gal