NUMEROSAS INCIDENCIAS DURANTE O XOVES DO ALBARIÑO

© Guardia Civil

Unha Patrulla Fiscal e Fronteiras de Vilagarcía (Pontevedra), que reforzaba o dispositivo de seguridade cidadá, incautouse dunha "importante cantidade" de roupa e calzado falsificado no marco do dispositivo despregado con motivo da Festa do Albariño en Cambados. O material intervido estaba exposto para a venda en tres postos ambulantes, informou o Instituto Armado nun comunicado de prensa. Os propietarios dos postos ambulantes foron notificados como presuntos autores dun delito contra a propiedade industrial.

© Guardia Civil

Non foi esta a única incidencia, axentes da Garda Civil detiveron a un veciño de Vilagarcía por tráfico de drogas, formularon medio centenar de denuncias administrativas por tenencia e consumo de estupefacientes e alteracións da orde pública. 

Ademais, foron identificados unha trintena de moz@s como supost@s autores de infraccións como alteración da orde pública, falta de respecto aos axentes da autoridade e ouriñar na vía pública, entre outras.

Así mesmo, dous locais foron denunciados por excederse no horario de peche e varios menores identificados cando consumían bebidas alcohólicas, tendo que se avisados por iso os seus proxenitores.