O PARTIDO XUDICIAL DE CAMBADOS EN SITUACIÓN GRAVE POLAS DENUNCIAS DE VIOLENCIA DE XÉNERO

O número de denuncias por violencia de xénero crece un 1,6% en Galicia A fiscal xeral do Estado estivo hoxe na Coruña para inaugurar uns cursos no Pazo de Mariñán.
Segarra visitou Galicia para inaugurar esta mañá a Escola de Verán do Ministerio Fiscal, onde abordou a violencia de xénero desde a perspectiva do ámbito xudicial. Así, ademas de referirse ao aumento de mortes, quixo resaltar o que considera como "cifras de combate", o número de denuncias de mulleres vítimas de violencia de xénero. Ao longo do 2018 en Galicia presentáronse un total de 6.537 denuncias por violencia de xénero, é dicir, incrementáronse nun 1,6% respecto o ano anterior. unha cifras que, para a Fiscalía, "reflicte que as vítimas se mostran con confianza" Máis mortes que ETA Non tan positivas son as cifras de mortes por violencia de xero, que xa deixa 1.000 mulleres asasinadas desde 2003 en España e supera os asasinatos de ETA (que se cifra en 854). Unha cifras que Segarrra cualifica de "arrepiantes" e "intolerables". Así, lembrou algunhas das cifras rexistradas, destacando que desde o 1 de xaneiro e ata o 3 de xuño do ano 2019, 22 mulleres foron asasinadas por violencia de xénero, unha delas na provincia de Pontevedra. "Elas son a mostra máis atroz deste tipo de violencia", engade Segarra. Os datos do Observatorio contra a Violencia Doméstica e de Xénero do Consello Xeral do Poder Xudicial tamén recollen o "incremento de denuncias" nos partidos xudiciais de Lugo, Pontevedra e Ponteareas. Dentro das áreas cunha situación grave, é dicir con prevalencia tamén alta pero que diminúe ou aumenta só moderadamente, estaría o partido xudicial de Vigo (Pontevedra), cunha taxa de denuncias recente do 7,3%, a máis alta de Galicia. Cambados e O Porriño, partidos situados tamén na provincia de Pontevedra, así como dous partidos da provincia da Coruña (A Coruña e Ribeira) integrarían tamén este grupo. "Lamentablemente, os efectos da violencia de xénero non terminan nas mulleres", dixo a fiscal, que indicou que entre o 1 de xaneiro de 2013, primeiro ano do que se dispón de información, e o 30 de abril de 2019 foron asasinados 28 menores por violencia de xénero, 1 deles na Coruña a mans do seu pai biolóxico. En canto ao número de orfos menores de 18 anos desde esa data é de 243, catorce no que vai de ano, apunta. #Ante esta cifras, Segarra animou aos operadores xudiciais a traballar para "reverter" estas "arrepiantes" cifras. Para iso, opinou que "a única maneira é achegar a formación" a todos os fiscais. "Cremos que a mellor forma de estimular é chegar a todos os fiscais e que sexan eles as correas de ligazón destas políticas de formación", engade.