BAIXA O PARO EN TODOS OS CONCELLOS DO SALNÉS

O paro rexistrado baixou en marzo en 33.956 persoas, un dato favorable aínda que é a redución menos avultada para un mes de marzo desde 2014. En cambio, o dato da seguridade social, 155.104 cotizantes ocupados máis, é mellor que o do ano pasado, e ademais devolve o total de afiliados por encima da barreira dos 19 millóns, que perdera en xaneiro. En concreto, hai agora 19.043.079 cotizantes ocupados.
Segundo os datos que divulgou este martes o Ministerio de Traballo, Migracións e Seguridade Social, a provincia de Pontevedra conta a día de hoxe con 67.830 desempregados, o que supón un descenso do -2,07% con respecto ao mes anterior.
Galicia rexistrou no mes de marzo un descenso do paro. Cae en 2.868 persoas. Un 1,65 por cento, ata un total de 170.841 desempregados. Son catorce mil menos que hai un ano. 

Polo que atinxe ao Salnés, os datos como se ve no gráfico son positivos, toda vez que baixa o paro en todos os concellos da comarca destacando O Grove e Sanxenxo.