O SERGAS, SEN MÉDICOS DE FAMILIA NIN PEDIATRAS NAS LISTAS DE CONTRATACIÓN PARA CUBRIR BAIXAS

De novo o verán sen médicos de familia ou pediatras substitutos mentres os profesionais, que formamos aquí, emigran. Motivo: a oferta precaria do Sergas.

Mentres a Consellería de Sanidade busca profesionais para cubrir substitucións nos centros de saúde, unha media de dez facultativos galegos fan as maletas cada mes e vanse a traballar ao estranxeiro. No primeiro semestre do ano un total de 59 doutores pediron o certificado de idoneidade aos colexios médicos de Galicia, un documento imprescindible se queren traballar fóra de España. Aínda que no territorio nacional a fuga de facultativos ao estranxeiro ten repuntado durante o primeiros seis meses do ano, en Galicia mantense estable. Neste mesmo período de 2017 os facultativos galegos que emigraron foron 63, só catro máis que os rexistrados entre xaneiro e xuño deste ano, segundo os datos da Organización Médica Colexial. Pontevedra é a provincia que perdeu máis médicos neste primeiro semestre: un total de 28, seguida da Coruña, con 22 e Lugo, con 9. En Ourense non houbo ningún caso. Desde 2010 a comunidade galega perdeu uns 800 facultativos, que preferiron marcharse ao estranxeiro, á vez que en Galicia acrecentábase o déficit de profesionais. En España durante a primeira metade do ano espedíronse un total de 3.628 certificados de idoneidade a doutores. O principal país de destino dos médicos españois, segundo a Organización Médica Colexial, é o Reino Unido, seguido de Francia, Irlanda e Alemaña. E os que máis emigran son precisamente os médicos de familia. Entre os facultativos que máis fan as maletas para marcharse fóra, tamén hai xinecólogos, oftalmólogos, pediatras e anestesistas, moitas das especialidades das que hai carencia en Galicia.

Non quedan médicos de familia nin pediatras dispoñibles nas listas de contratación do Sergas. E, por tanto, a Consellería de Sanidade non poderá cubrir as baixas que se produzan nos centros de saúde porque non ten substitutos. Para non deixar desatendida á poboación, os facultativos de atención primaria que estean activos deberán redobrar esforzos e asumir a carga de traballo dos compañeiros de baixa, o que implicará que mesmo teñan que duplicar a súa cota de pacientes. A escaseza de profesionais en pediatría xa obrigou á Xunta a concentrar a asistencia sanitaria á poboación infantil nos ambulatorios de referencia de cada comarca, deixando a numerosos centros de saúde sen atención. A situación é extrema e Sanidade fixo un chamamento a médicos e pediatras de atención primaria para inscribirse nas listas de contratación. Galicia arrastra un déficit de facultativos desde hai anos que afecta sobre todo a algunhas especialidades, entre elas pediatría e medicina familiar. Unha das razóns é que a idade media dos médicos galegos é avanzada. Catro de cada dez superan os 55 anos, de maneira que nunha década chegarán á idade de xubilación uns 4.500. Con todo, formar a un facultativo leva tempo: entre dez e once anos. Tras terminar a carreira deben pasar por un período de residencia (MIR), onde ademais as prazas que se convocan cada ano están limitadas. No persoal do Sergas hai 2.601 médicos de familia, un 7% máis que no ano 2008, segundo os datos do Sergas. O problema é que o envellecemento poboacional -nese mesmo período o número de maiores de 65 anos creceu un 12%- acrecentou a demanda sanitaria. O déficit de doutores agrávase durante o verán coas vacacións do persoal. Entón non queda máis remedio que recorrer ás listas de contratación para buscar substitutos que cubran as vacantes. Con todo, este ano o Sergas xa esgotou a reserva. "Non hai pediatras nin médicos de familia dispoñibles", explican na Consellería. "Por iso faise un aviso co obxectivo de captar profesionais", sinala. Fíxoo a través dun anuncio na súa páxina web e tamén nunha publicación especializada. Explica que os médicos interesados deberán inscribirse na Oficina virtual do Profesional e especifica a documentación que deben achegar, así como o pago dunha taxa de 17,15 euros. As condicións dos médicos que cobren substitucións son, con todo, máis ben precarias: gardas de ata 17 horas, algúns cotizan só de luns a venres e non teñen dereito a vacacións pagas... Estas circunstancias levaron a moitos doutores para irse á privada ou facer as maletas para traballar no estranxeiro. E entre os que están fixos, o déficit de profesionais tamén lles pasa factura laboral. Se nun centro de saúde hai catro doutores que teñen asignados cada un 1.500 pacientes, coas vacacións e a metade de persoal de descanso quedan dous médicos que deberán facerse cargo cada un de 3.000 usuarios. Non só é un sobreesforzo para estes facultativos senón que, tal e como denunciaron en reiteradas ocasiones colexios médicos e sindicatos, tamén empeora a calidade da asistencia. No caso de pediatría, a Sanidade non lle quedou máis remedio que deixar de prestar este servizo nalgúns centros de saúde, o que suscitou xa numerosas protestas entre os afectados. En Pontevedra, por exemplo, agrupouse en 23 ambulatorios a atención aos nenos dun total de 47 concellos. Para liquidar o déficit de médicos Sanidade ha decido autorizar prórrogas na xubilación para que os profesionais poidan seguir traballando ata os 70 anos e pediu aumentar as prazas MIR para pediatría e médicos de familia.