O Concello de Cambados anunciou onte a celebración do I Simposio Internacional LGTBI de Galicia "para coñecer a situación deste colectivo e loitar por unha sociedade na que todos somos iguais e libres de discriminacións".
A alcaldesa de Cambados, Fátima Abal, define este simposio como "un feito histórico" no que un total de oito relatores abordarán os problemas e a marxinación que sofren moitas persoas pola súa orientación e identidade sexual.
Os relatores describirán a situación que se vive en Galicia, España e tamén outros países como Portugal, México, Eslovenia e Tunes, para "coñecer as realidades doutros países, máis e menos avanzados".
Deste xeito, estarán presentes no simposio o activista Enrique Torre Molina que explicará a realidade LGTBI en México; a asociación Nos Mesmas de Vigo, que falará sobre a loita dos dereitos de mulleres lesbianas e bisexuais; e a asociación Agocuir de Lugo, que visibilizarán a diversidade sexual no rural.
Tamén participarán a cantante Silvia Penide e Eva Matarranz, que mostrarán a realidade transexual en Eslovenia; a asociación Chrysallis Galicia, de familias de menores transexuais; a asociación Ultreia, sobre o colectivo LGTBI en Galicia; o Centro GIS, sobre a realidade de Portugal; e Mounir Baatour, o presidente da asociación Shams, que tratará a despenalización da homosexualidade en Tunes.
A conferencia celebrarase o próximo 7 de outubro de 10 a 14 horas no edificio de Exposalnés, en Cambados e está organizada pola concellería de Igualdade e a sexóloga Mónica Novas.
O programa deste simposio será o seguinte:
9.45 Recibimento e Acreditacións
10.00 Inauguración do I Simposio Internacional LGTBI de Galicia. Concello de Cambados
10.15 Relatorio 1ª. “ A Realidade LGTBI en MEXICO” a cargo de Enrique Torre Molina. Activista e consultor de inclusión LGBT ( México)
10.30 Relatorio 2ª. “ A loita dos dereitos das mulleres lesbianas e bisexuais” a cargo da Asociación Nos Mesmas ( Vigo)
10:45 Relatorio 3ª “Reivindicación e visibilización da diversidade sexual no rural ” a cargo da asociación Agrocuir ( Comarca da Ulloa, Lugo)
11.00 Relatorio 4ª. “A Realidade Transexual en Eslovenia” a cargo de Silvia Penide e Eva Matarranz ( Eslovenia)
*Intervención musical da cantante Silvia Penide
11.30 Descanso-Café
12.00 Relatorio 6ª “ Asociación de familias de menores transexuais” a cargo da asociación Chrysallis ( España – Galicia)
12.15- Relatorio 7ª “A despenalización da homosexualidade en Túnez” a cargo de Mounir Baatour, presidente da asociación Shams
12.30- Relatorio 8ª “ A Realidade LGTBI en Portugal” a cargo do Centro GIS ( Portugal)
13.00 Turno de Preguntas
13.30 Conclusións e debate.
14.00 Peche do Simposio
No hay comentarios:
Publicar un comentario
NON SE PUBLICARÁN COMENTARIOS ANÓNIMOS. SI O COMENTARISTA QUERE PERMANECER NO ANONIMATO, NON SE PUBLICARÁ O NOME.