CASE 198.000 ESCOLARES COMEZAN O LUNS AS CLASES

Preto de 198.000 escolares de educación infantil, primaria e especial comezarán este luns o curso 2017/18

Escoitar

Nos centros galegos de educación infantil están matriculados 58.948 alumnos e alumnas, un 2’3% menos ca no curso anterior

En primaria mantense case invariable o alumnado, con 137.022 estudantes
 

Na educación especial o incremento de nenas e nenos matriculados é do 0,6%

O 15 de setembro comezará o curso en de secundaria e bacharelato Compartir

O vindeiro luns 11 de setembro comezarán en Galicia as clases nos ciclos de infantil, primaria e educación especial para 197.364 escolares, o que supón un 0,7% menos ca no curso 2016/17, segundo os datos provisionais recompilados polos servizos estatísticos da Consellería de Cultura, Educación e Ordenación Universitaria. Neste sentido cómpre lembrar que as cifras de matriculación poden ir mudando ao longo do curso escolar.

Educación Infantil

Segundo estimacións da Xunta de Galicia, 60.339 alumnos comezarán o luns 11 de setembro nas aulas de educación infantil, o que supón un 2,4 % menos ca no curso 2016/17.

Por tipo de centros queda do seguinte modo:

Centros públicos	Centros concertados	Centros privados	Total
42.106 alumnos	16.842 alumnos	1391 alumnos	60.339 alumnos

Ademais hai que sinalar que nesta etapa educativa o alumnado non nacionalizado español diminuíu un 7% respecto do curso anterior.

	2016/17	2017/18
Total	1040 alumnos	967 alumnos

Educación Primaria

Por outra banda, as mesmas previsións que manexa a Consellería indican que 137.022 alumnos tamén comezaran o luns as clases de educación primaria en Galicia, o que supón practicamente a mesma cifra ca no curso anterior.

	Centros públicos	Centros privados concertados	Centros privados non concertados
A Coruña	41.398 alumnos	15.023 alumnos	1312 alumnos
Lugo	10.022 alumnos	3410 alumnos	256 alumnos
Ourense	8530 alumnos	4311 alumnos	74 alumnos
Pontevedra	36.252 alumnos	15.204 alumnos	1.230 alumnos
Total	96.202 alumnos	37.948 alumnos	2.872 alumnos

No caso da educación primaria o número de alumnos sen nacionalidade española, a diferenza respecto do ano pasado é do 8,8 % menos:

	2016/17	2017/18
A Coruña	1.280 alumnos	1.133 alumnos
Lugo	559 alumnos	557 alumnos
Ourense	400 alumnos	359 alumnos
Pontevedra	1.147 alumnos	1.038 alumnos
Total	3.386 alumnos	3.087 alumnos

Educación especial

No que atinxe á educación especial, o número estimado de matriculados para este curso é de 1394, un 0,6 % máis ca no 2016/17.

Por tipo de centros e por provincias queda do seguinte modo:
 

	Centros públicos	Centros privados con concerto
A Coruña	258 alumnos	298 alumnos
Lugo	106 alumnos	7 alumnos
Ourense	80 alumnos	49 alumnos
Pontevedra	235 alumnos	361 alumnos
Total	679 alumnos	715 alumnos

Centros escolares e docentes

Os centros que desde o 11 de setembro impartiran ensinanzas de educación infantil e primaria e educación especial quedan distribuídos do seguinte xeito:

	A Coruña	Lugo	Ourense	Pontevedra	Galicia
Educ. Infantil	57	4	4	60	125
Educ. Primaria e Infantil(1)	238	89	85	222	634
Educa. Primaria e ESO(2)	53	26	21	66	166
Educación especial	15	2	3	15	35
TOTAIS	363	121	113	363	960

(1) Inclúen os centros que imparten só educación primaria
(2) Inclúense os centros que imparten tamén o segundo ciclo de educación infantil.

 

No referido ao número de unidades concertadas, este ano será dun total de 2638. En concreto, nas etapas de infantil, primaria e educación especial haberá 16 unidades concertadas máis ca no curso anterior, debido ás necesidades de escolarización das diferentes zonas.

No referido ao profesorado, os datos estimados, a falta de que se realicen as pertinentes contratacións de interinos e substitutos para cubrir as necesidades puntuais que se presenten a inicio de curso, indican que o conxunto do sistema educativo galego público contará con 30.277 docentes.