CONCURSO: "As mellores experiencias son as que se comparten"

A Asociación Española de Cidades do Viño (Acevin), da que depende o Club de Produto Rutas do Viño de España, puxo en marcha a Campaña #WineFriends, co obxectivo non só de aumentar a visibilidade das experiencias enoturísticas que se poden vivir en grupo dentro das Rutas do Viño certificadas por Acevin, senón tamén fomentar o turismo de interior. Baixo o lema "As mellores experiencias son as que se comparten", articulouse un concurso dirixido ao público final e a todos os fans de Rutas do Viño de España que permanecerá aberto ata o 15 de setembro. Ata esa data, todos aqueles interesados en participar poderán seleccionar as súas experiencias favoritas en cada unha das Rutas do Viño e decidir con que outros 5 amigos queren vivir a experiencia seleccionada.

Para votar é necesario acceder á plataforma a través da páxina de Facebook de Wine Routes of Spain ou a través da propia páxina web www.wineroutesofspain.com. Unha vez finalice o período de votacións, sortearase entre todos os participantes un "enopack" de fin de semana valorado en 600€, que poderá gozar un grupo de 6 persoas nunha das Rutas do Viño certificadas por Acevin. As ofertas son moi diversas e singulares e inclúen, como mínimo, aloxamento e almorzo, visitas a adegas con cata de viños, menús en restaurantes, visitas culturais e outros elementos característicos.

Ademais, entre o resto de participantes sortearanse 20 lotes de 6 botellas de viño con Denominación de Orixe e 6 visitas a adegas con cata de viño incluída.