A MANCOMUNIDADE DO SALNÉS E A RUTA DO VIÑO RÍAS BAIXAS RECIBEN A VISITA DE BLOGGERS INTERNACIONAIS

Esta actividade pretende promocionar Galicia a través dos viños da Denominación de Orixe Rías Baixas

As oficinas da Mancomunidade do Salnés acollerán mañán luns 12 de xuño ás 11.30 horas unha comparecencia dos participantes na viaxe dun grupo de bloggers internacionais do mercado de Reino Unido que durante todo este fin de semana visitaron a zona. Á devandita rolda de prensa asistirán representantes tanto da Ruta do Viño Rías Baixas como da Mancomunidade do Salnés, que estarán acompañados polos bloggers participantes Luiz Hara, Sarah Le, Laura Lynch e Michael Turtle.

Esta actividade, que pretende promocionar Galicia a través dos viños da Denominación de Orixe Rías Baixas e da oferta enogastronómica da zona, foi coorganizado pola Ruta do Viño Rías Baixas, a Mancomunidade do Salnés e Turespaña en Londres.

Os visitantes, que chegarán hoxe ao aeroporto de Santiago, contan cun completo programa de actividades para este fin de semana, finalizando o seu percorrido polo Salnés o luns pola mañá. Ademais do patrimonio natural e monumental, os bloggers ingleses tamén visitarán varias adegas asociadas á Ruta do Viño Rías Baixas. Deste xeito, poderán coñecer in situ a elaboración dos viños da Denominación de Orixe Rías Baixas, así como a ampla oferta enogastronómica que se poden atopar na zona.