A LIGA KAYAK DE MAR CHEGA A CAMBADOS O LUNS

O vindeiro luns día 1 de maio celébrase no peirao de San Tomé de Cambados a 2º regata da liga galega de kayak de mar/sup da tempada. 

A competición dará comezo ás 11:00 da mañá coa saída ás categorías senior, xuvenil e veterano. Unha hora e media máis tarde iniciarán a proba as embarcacións dos participantes cadetes xunto coa modalidades SUP, tradicional e populares.
Os 23 equipos que se desprazan a Cambados levarán un gran número de participantes. Os 275 palistas inscritos realizarán un percorrido de 10 km, empezando no embarcadoiro de Santo Tomei con dirección cara á ponte da Illa de Arousa, unha vez pasado a pasarela estará aboiar para virar e volver cara ao punto de partida.

Hai que destacar nesta ocasión, o aumento de palistas na modalidade de Sup, que por primeira vez contará con 20 deportistas entre homes e mulleres. Esta especialidade é unha aposta clara da federación Galega de Piragüismo que leva varios anos implantándola nas regatas de kayak de mar na categoría popular, é este 2017 o primeiro no que entra a participar como unha categoría máis. Para darlle máis auxe, a federación leva realizado varios cursos de iniciación ao Sup.

Boa mostra do nivel do Sup galego foi a pasada copa de España de 1000 metros celebrada en Asturias, onde os tres palistas galegos Ramón Branco-Piragüismo Rianxo, Daniel Mourelos-Breogán e Carlos Bicada-As Torres ocuparon as tres primeiras posicións do podio.
As clasificacións xerais da liga nestes momentos encabézaas en homes o Club de Mar Ría de Aldán con 50 puntos, en segunda posición atópase o Piragüismo Cambados con 48 puntos e terceiro o Piragüismo Olívico con 47 puntos. Pola contra en mulleres, o líder é o Breogán de Ou Grove con 50 puntos, seguido polo Piragüismo Olívico e o Ría do Aldán con 47 puntos.