O XUVEN NON PODE CO MORÓN

O Aceitunas Fragata Morón segue coa súa escalada cara aos postos altos da clasificación e neste encontro ante o Cambados Ciudad Europea Del Vino 2017 conseguiu a súa cuarta vitoria consecutiva. Un encontro que os andaluces dominaron desde o inicio grazas ao seu acerto ante o aro, xa que acabaron o primeiro cuarto con 28 puntos anotados (28-15). 
No segundo período, os amarelos conseguiron por fin frear os ataques do seu rival e aos poucos foron reducindo diferenzas ata chegar ao descanso só cinco puntos abaixo grazas aos tres tiples seguidos que anotaron (41-36). 
Na continuación, o Morón recuperou a súa frescura en ataque inicial e en 5 minutos anotaron 14 puntos para volver abrir diferenzas (56-42). Os visitantes non deron o seu brazo para torcer e puxéronse a 6 puntos ao comezo do último acto cun triplo de Adrián Chapela (66-60), pero iso era un falso espellismo porque os sevillanos respondían co acerto de Nakidjim e Chagoyen (74-63). Non freaban aquí e cun parcial de 10-4 sentenciaban a vitoria os de Morón (84-67).


Estatística