Cun enorme período final, os de Joaquín Prado suman a súa primeira vitoria da tempada a domicilio, terceira consecutiva no global e cortan o refacho dun Xuven que podería terse posto líder.
Os navarros xa daban sinais das súas intencións nun espectacular arranque (5-14 en pouco máis de tres minutos), con Narros e o ex Cambados Hopfgartner como estiletes. A reacción galega chegaba a través da defensa: 11-0 e máis de cinco minutos co seu aro pechado (22-18 lanzados por Nkaloulou). O segundo período convertíase nun territorio minado para os movementos no marcador, chegándose ao descanso cun igualado 30-32.
Á volta, mesmo panorama no apertado do marcador. A máxima escapada foi un +6 visitante (40-46), neutralizado polo acerto, outra vez, de Nkaloulou (48-48). E así se chegaba a un período final no que o "4" galego e Poston, por Basket Navarra, disputábanse o título de xogador chave (57-58). O escolta vía o aro como unha piscina, pero enfronte atopábase cun 6-0 local (64-62). Tempo visitante e resposta inmediata: 0-8 con Adrián Fonte sumándose á festa (64-70). Nkaloulou atopábase moi só e un triplo de Narros sentenciaba o partido (67-75).
A clave: O xogo exterior navarro funcionou ao máximo nivel: 53 puntos entre Poston, Narros e Fontes, co base índose a 27 de valoración grazas ás súas 19 tantos, 9 rebotes e 7 asistencias. O MVP foi para Nkaloulou: 34 de valoración.
Estatística
No hay comentarios:
Publicar un comentario
NON SE PUBLICARÁN COMENTARIOS ANÓNIMOS. SI O COMENTARISTA QUERE PERMANECER NO ANONIMATO, NON SE PUBLICARÁ O NOME.