Imaxe: Faro de Vigo |
Protección Civil de Cambados ten a súa disposición dous traxes para retirar niños de avispa velutina. A Xunta de Galicia enviou dous traxes de apicultor específicos para este insecto á agrupación, de modo que os seus voluntarios poderán atender as peticións que se lles realicen desde a central que coordina a loita contra a avispa asiática.
Súmanse así a agrupacións como a de Vilagarcía ou o Grupo de Emerxencias Supramunicipal de Valga. Outra das agrupacións de voluntarios que están a facer retiradas é a de Ribadumia.
Os responsables das agrupacións de Protección Civil do Salnés destacaron este verán que o número de niños retirados aumentou con respecto a 2015. Ademais, sinalan que son de maior tamaño. Por iso, inciden na necesidade da prevención, actuando durante o inverno e a primavera.
No hay comentarios:
Publicar un comentario
NON SE PUBLICARÁN COMENTARIOS ANÓNIMOS. SI O COMENTARISTA QUERE PERMANECER NO ANONIMATO, NON SE PUBLICARÁ O NOME.