ELIMINADOS 3 ENXAMES DE AVISPA VELUTINA HOXE EN CAMBADOS

No dia de hoxe Protección Civil de Cambados procedeu a retirar 3 enxames de avespa asiática ou velutina, en Cambados. O último na zona de A Pastora a media tarde. Os dous primeiros  na senda do Umia.
Desde que a Xubta entregou dous traxes especiales para eliminar esta praga prolifera o achado de enxames no noso pobo. Desde ese momento protección Civil colabora nas tarefas de eliminación deste insecto co 112.

A avispa asiática, Vespa velutina, orixinaria do Norte da India e posiblemente procedente do sueste asiático, é considerada un perigoso inimigo para a abellas. Ademais de ser depredadores das abellas e doutras especies de insectos polinizadores, tamén pon en perigo a diversidade de especies e a produción agraria (froiteiras).

Foi detectada en Francia no ano 2004 nas proximidades de Bordeus, onde ao parecer entrou a través do comercio marítimo nun barco cuxa mercadoría procedía de Yunnan (China).

A primeira descrición de Vespa velutina en Francia foi publicada a mediados de 2006, e as primeiras mobilizacións dos apicultores franceses para denunciar que o problema empezaba a ser perentorio non foron ata principios de 2007. Para entón xa había miles de niños no Suroeste de Francia. Actualmente esta estendida por 34 departamentos do país.

A finais de 2010 pasou a fronteira identificándose xa a súa presenza en Gipuzkoa e Navarra. As condicións climáticas da zona asiática de onde esta especie é orixinaria parecen ser similares ás do sur do continente europeo.