Preto de 500 metros cadrados de expositores cubrirán desde o sábado 13 e ata o luns 15 o paseo da Calzada a 10ª Feira de Oportunidades de Cambados. Os comerciantes tomarán o relevo ós participantes na Festa do Albariño para instalar as casetas que este ano compoñen a Feira, ademais dunha carpa de 10 metros.
No paseo da Calzada poderemos atopar moda xove, moda infantil, señora, cabaleiro, calzado, deportes, electrodomésticos que estarán abertos ó público en horario ininterrompido de 11 da mañá a 11 da noite.
Serán en total mais de 500 metros cadrados de exposición, repartidos nun total de case 30 expositores, dos que a maioría deles son de Cambados, polo que se da cumprimento ó disposto na lei de comercio interior de Galicia, que sinala que ó menos 2/3 sexan do propio concello.
Contaremos deste xeito con 3 días de oportunidades, con descontos de ata o 60 e o 70 %, polo que tódolos nosos visitantes poderán realizar as súas compras a moi bos prezos.
No hay comentarios:
Publicar un comentario
NON SE PUBLICARÁN COMENTARIOS ANÓNIMOS. SI O COMENTARISTA QUERE PERMANECER NO ANONIMATO, NON SE PUBLICARÁ O NOME.