130 Viños de 62 adegas e 11 catas temáticas na VI edición do Túnel do Viño da Festa do Albariño de Cambados que se vai a celebrar no Salón José Peña.
De feito, o Paseo da Calzada xa loce coas 42 novas casetas.
Foron adquiridas polo Consello Regulador, que acollerán a 44 adegas a partir de mañá.
O Consello Regulador da D.O Rías Baixas estreará casetas durante a LXIV Festa do Viño Albariño de Cambados. Entre as actividades programadas para estes días cabe destacar a XXVIII Cata-Concurso Rías Baixas. Tamén a sexta edición do Túnel do Viño. E como non, a terceira das Catas Temáticas D.O Rías Baixas que contará cun total de once sesións.
As 42 novas casetas que o Consello Regulador renova nesta edición da Festa do Viño Albariño Rías Baixas xa locen estes días no Paseo da Calzada e poñeranse en funcionamento este mércores. Estas casetas manteñen a imaxe das anteriores, aínda que se lle engadiron algunhas melloras como toldos, incorporacións que durante os últimos anos víronse necesarias. Un total de 44 adegas serán as encargadas de estrear as devanditas casetas. As que se utilizaron ata hai pouco foran adquiridas polo Consello Regulador no ano 2001.
Nestes cinco anos de andaina, o Túnel do Viño converteuse nunha actividade consolidada da festa para os amantes do viño. Nesta sexta edición reunirá a 130 marcas, pertencentes a 62 adegas da denominación. Tras a boa acollida por parte do público, o Consello Regulador ha decidido ampliar este ano o espazo do túnel no Salón de Congresos e Exposicións José Peña para ofrecer maior comodidade aos participantes. Dito túnel abrirá as súas portas este xoves e poderá ser visitado ata o domingo. O horario de xoves a sábado será de 12 a 14.30 h. pola mañá e de 19 h. a 21.30 h pola tarde, mentres que o domingo abrirá de 11 h. a 13.30 h.
Ademais, o mesmo Salón de Congresos e Exposicións José Peña acollerá paralelamente 11 catas temáticas desenvolvidas por diferentes adegas da denominación de orixe. Con elas preténdese transmitir ao público tanto a filosofía de traballo de cada empresa como diferentes puntos de vista dos seus viños e terán un tempo estipulado de duración de 45 minutos.
Adegas participantes nas catas
| Horario | Adega | |
| Cata 1 | Xoves 4 de Agosto:
12.15 a 13.00 h
| LAGAR DE BESADA |
| Cata 2 | Xoves 4 de Agosto :
13.15 a 14.00 h
| PALOMA REY FERNANDEZ LA TORRE |
| Cata 3 | Xoves 4 de Agosto:
19.15 a 20.00
| BODEGA EIDOSELA |
| Cata 4 | Xoves 4 de Agosto:
20.15 a 21.00
| COOPERATIVA VITIVINICOLA AROUSANA |
| Cata 5 | Venres 5 de Agosto:
12.15 a 13.00 h
| SEÑORÍO DE RUBIÓS |
| Cata 6 | Venres 5 de Agosto:
13.15 a 14.00 h
| ADEGA SAN SALVADOR DE SOUTOMAIOR |
| Cata 7 | Venres 5 de Agosto:
19.15 a 20.00
| Mª CARMEN LAGO CASTRO |
| Cata 8 | Venres 5 de Agosto:
20.15 a 21.00
| RECTORAL DO UMIA |
| Cata 9 | Sábado 6 de Agosto:
12.15 a 13.00 h
| ADEGA CONDES DE ALBAREI, S.A.U. |
| Cata 10 | Sábado 6 de Agosto:
13.15 a 14.00 h
| BODEGAS CHAVES |
| Cata11 | Sábado 6 de Agosto:
19.15 a 20.00
| ADEGAS TERRA DE ASOREI |
No hay comentarios:
Publicar un comentario
NON SE PUBLICARÁN COMENTARIOS ANÓNIMOS. SI O COMENTARISTA QUERE PERMANECER NO ANONIMATO, NON SE PUBLICARÁ O NOME.