CONVOCATORIA DE SUBVENCIÓNS A ASO. DE VECIÑOS, MULLERES RURAIS OU COMUNIDADES

O director xeral de Administración Local, Alberto Pazos, presentou haiuns dias as ordes de axudas para concellos e entidades grazas ás cales tanto os concellos de Galicia como entidades sociais, que engloban asociacións de veciños, comunidades de usuarios de augas e asociacións de mulleres rurais de Galicia, poderán contar cunhas axudas que acadan os 5 millóns de euros.

Segundo explicou Pazos Couñago, o Diario Oficial de Galicia, publica as dúas ordes que establecen as bases reguladoras e a convocatoria de subvencións, en réxime de concorrencia non competitiva, dentro do Plan específico extraordinario de investimentos. A primeira das convocatorias está destinada á mellora de infraestruturas e equipamentos nos concellos de Galicia; e a segunda das Ordes destínase para as asociacións de veciños, confederacións, federacións ou unións de asociacións de veciños de Galicia, comunidades de usuarios de augas e asociacións de mulleres rurais de Galicia.

Estas dúas ordes teñen en común o seu financiamento, que ten orixe no Fondo de Superávit de Responsabilidade, unha achega extraordinaria de fondos froito do cumprimento do déficit público, e que a Xunta entende que debe servir coma axuda a aqueles organismos, tanto concellos coma asociacións, con especiais dificultades económicas e aqueles concellos que se comprometeron no cumprimento dos mesmos obxectivos de déficit do goberno galego.

No seguinte enlace pódese consultar a orde do 14 de xuño de 2016 da convocatoriadas subvencións en réxime de concorrencia non competitiva dentro do plan específico extraordinario de investimentos destinado a asociacións veciñais de Galicia de veciños, confederacións, federacións ou unións de asociacións de veciños de Galicia, comunidades de usuarios de augas e asociacións de mulleres rurais de Galicia.

http://www.xunta.gal/dog/Publicados/2016/20160627/AnuncioG0244-150616-0002_gl.html