A PESARES DOS MALOS RESULTADOS DE HOXE ALBA TRIGO CONTINÚA NA LOITA POLAS MEDALLAS

Imaxen da regata de hoxe coa cambadesa primeira pola dereita

Empezaron en Vilamoura as series finais, e non tiveron un bo comezo para os españois, marcando todos eles unha xornada algo gris en canto aos seus respectivos parciais, pero sen deixar de mostrar unha boa imaxe en liñas xerais a pesar dos resultados. O máis positivo, a cambadesa Alba Trigo que aínda que ao peche da primeira proba do día era segunda en mulleres, termina o día mantendo o terceiro posto que lograba onte e con opcións de subir.  Na primeira Trigo quedaba cun 42 mentres que na segunda marcaba un 31 que lle facía baixar un posto en mulleres.


O mellor español na táboa do Grupo Ouro segue sendo Samuel Beneyto. Do mesmo xeito que Trigo, tampouco tivo un bo arranque na xornada de hoxe, asinando un 54, despois arranxaba algo a clasificación grazas a un 28.  Alberto Morais seguiu a liña dos seus compañeiros, pero ao revés. Aínda que na primeira concluía 28 despois e xa na segunda íase ao 54.  O andaluz Álvarez-Dardet, pola súa banda, non quería ser menos. Na primeira 53 e na segunda 38.

Con todo iso, a xeral do Grupo Ouro deixa aos españois algo ben, sobre todo a Samuel Beneyto, ocupando o posto 30 con 89  puntos; Alba Trigo atópase no 33 sumando 103 puntos; Alberto Morais no 38 e 110 puntos e Manuel Álvarez-Dardet no 55 contabilizando 137.  Unha xeral provisional que sufriu cambios, o ata agora líder, o suízo Max Wallemberg, que tampouco tivo o seu gran día, cede o primeiro posto a favor do noruegués Mathias Berthet, cunha diferenza de 10 puntos entre eles.  

En mulleres, a danesa Hellena Wolff é primeira, seguida da maltesa Vitoria Schultheis e da española Alba Trigo. Unhas posicións moi provisionais xa que ao peche desta nova hai varias solicitudes de reparación e protestas pendentes que poden alterar estas tres primeiras prazas.

Mañá xoves, 30 de xuño, quinta xornada do Mundial Optimist que vén celebrando desde o pasado domingo 26 e que concluirá o  domingo co Mundial Team Racing (por equipos), disputándose este nas xornadas de sábado e domingo.