UN CAMBADÉS MELLOR TIRADOR DE CAÑAS DE GALICIA

Gustavo Rey de 25 anos foi o elixido no campionato que reuniu 40 participantes

Un cambadés de 25 anos é dende hai algo máis de unha hora, oficialmente, o mellor tirador de cervexa de Galicia tras gañar o campionato galego que reuniu en Santiago 40 participantes. Xunto a el, outros tres finalistas participarán no campionato nacional que se vai celebrar o 5 de abril.

A proba para os cinco finalistas para facerse co campionato consistía en tirar dúas cervexas e servir unha de botella na copa. Todo nun minuto, 20 segundos, máximo.

Quizais a gran acerto de Gustavo foi controlar os nervios. Gustavo é membro do grupo de rock Noite Fechada  e tira cañas na  "Cafetería Encontro" en Barrantes.
Tras tirada, os finalistas tiñan que completar a proba respondente a un par de preguntas en plan miss: que se como cualificarías tal cervexa, que en que anos se sacou ao mercado...
Ademais de para presumir dabondo, o título sérvelle a Gustavo para gañar 600 euros de premio, entregados polas figuras do Celta e do Dépor na semana do derbi. Tamén para que os catro primeiros clasificados representen a Galicia no campionato nacional que se vai celebrar en Madrid o 5 de abril. Praza difícil.

Desde aquí desexámoslle ... Moita sorte!!!