A BIBLIOTECA LUIS REI ACADA UN PREMIO NACIONAL

A Fundación Biblioteca Social convocou en outubro 2015 a segunda edición do "Premio Biblioteca Pública e compromiso social".


O 1 de marzo 2016 o Xurado valorou como "Mellor proxecto" ao denominado !CANTO CONTA CAMBADOS!, presentado pola biblioteca Municipal Luís Rei de Cambados (Pontevedra). Segundo o Xurado, trátase dun proxecto de natureza holística, global, ben orquestrado e con recursos razoables, que colabora coa comunidade, non!! para a comunidade!, tratando de que a biblioteca e o libro acudan onde se acha a vida, non á inversa. Facilita cohesión social e cidadá ao eliminar fronteiras de destinatarios "veñan de onde veñan", normaliza ao usuario con discapacidade, actúa coa proximidade e a reivindicación lingüística, de forma que a cultura e o libro deveñen en instrumentos de pertenza, participación cidadá e transformación.

O accésit recibiuno o proxecto titulado "JUZBADO, LIBRO ABIERTO" da Biblioteca Municipal de Juzbado (Salamanca). A biblioteca, convertida en espazo de encontro e estímulo, asume con rigor e entusiasmo a vontade de integrar á totalidade da veciñanza, cifrado en 200 habitantes, e aos visitantes. Desde fai oito anos, o proxecto desenvolve, con notable imaxinación, accións tendentes a logar a incardinación dos veciños na localidade.

O Premio, de acordo cos fins da Fundación, pretende impulsar e dar visibilidade a proxectos que estean a levar a cabo as bibliotecas públicas, dirixidos a persoas e colectivos da súa contorna que vivan situacións de vulnerabilidade e conflito social, e que contribúan a paliar os desequilibrios sociais.

A convocatoria é de ámbito estatal. Pódese presentar calquera biblioteca pública de España que estea a desenvolver un proxecto con, polo menos, un ano de antigüidade na data da convocatoria.