O XUVEN NECESITA REACCIONAR

Tres derrotas seguidas colocaron ao conxunto galego nunha perigosa situación, ocupando a antepenúltima posición da táboa, igualado co penúltimo. Así pois, aos de Miguel Ángel Hoyo tócalles reaccionar e facer esquecer á súa afección o mal recordo da súa última comparecencia en O Pombal, cando se deixaron remontar 20 tantos de diferenza ante Simply Olivar para acabar perdendo o choque. A liña para seguir é o primeiro tempo de Alacante, onde tutearon a un dos fanfurriñeiros da categoría. En fronte terán a un rival crecido, un CB Tarragona que chega a Cambados con dúas cómodas vitorias seguidas (+15 e +14 ante Zornotza e Viten Xetafe) e con tres alegrías nos catro últimos choques. Ademais, Berni Álvarez ve como a súa última adquisición, Jamal Wilson, empeza a facer das súas.

Data e hora: Sábado, 18:00 h.(Canal Xuven YouTube)

Atención a: Diciámolo no parágrafo anterior. Jamar Wilson, último chegado a Tarragona, fíxose cun posto no quinteto ideal da xornada grazas aos seus 21 puntos, 5 rebotes, 4 asistencias e 3 recuperacións para 28 de valoración en soamente 23 minutos de xogo.