PRESENTADOS OS ORZAMENTOS DA DEPUTACIÓN

A presidenta da Deputación de Pontevedra, Carmela Silva, e o vicepresidente, César Mosquera, presentaron hoxe os orzamentos da institución provincial, que ascenden a 152 millóns de euros, o que representa un 2,4 por cento máis que no ano 2015.

A presidenta destacou que o orzamento é o instrumento para o desenvolvemento das políticas do novo goberno provincial, como o salientan o maior protagonismo dos concellos e a eliminación das partidas de libre disposición. En total, segundo subliñou Carmela Silva, son cinco os eixes principais das novas políticas, centradas nos concellos: o emprego, o territorio, a igualdade e mais a cohesión social e a xuventude.

Estes eixes están dotados de distintas partidas económicas. Así, as axudas aos concellos acadarán a cifra de 47,5 millóns de euros entre o Plan Concellos 2016, a asistencia técnico-xurídica e a protección do medio. "En total estamos a aplicar o 66 por cento dos gastos en investimentos e transferencias de capital da totalidade do orzamento aos concellos da provincia", destacou Carmela Silva.

Máis información