DERBI POR TODO O ALTO MARÍN-CAMBADOS

O duelo rexional galego da xornada terá lugar na Raña. Duelo galego e pontevedrés máis concretamente. Bonita oportunidade para Marín Ence Peixegalego de sumar a súa terceira vitoria consecutiva ante a súa afección, onde se mostrou moi forte nas súas últimas comparecencias. Xuven Cambados buscará a súa primeira vitoria a domicilio, xa que fóra de O Pombal baixa moito o seu rendemento, sobre todo no apartado defensivo. Partido especial para José Emilio Oubiña, que se medirá ao seu equipo de toda a vida despois de cambiar Cambados por Marín este verán.
Catro derrotas noutros tantos partidos acumuladas polo cadro arousán a mans do seu veciño desde que ambos desembarcaron á vez na terceira categoría do baloncesto español.


Data e hora: Sábado, 19:30 h.

Atención a: A baixa de Ed Koyanouba provocará que Antonio Pantín teña que multiplicarse en tarefas interiores para facer fronte aos "Chufi" Rodríguez, Michel Diouf, Max Hopfgartner e compañía.

O dato: Ata a data, catro duelos entre ambos os conxuntos en LEB Prata, todos saldados con vitoria para Marín.