O XUVEN ESTRÉASE CON VICTORIA E RECORD

Non puido comezar dunha maneira máis espectacular a LEB Prata 2015/16. Espectáculo ofensivo de primeiro nivel en Cambados, con dous equipos apostando por un baloncesto rápido, sen especulacións de ningún tipo. Despois dunha moi igualada primeira metade, na que Sergio de la Fuente foise a vestiarios con 21 puntos e 24 de valoración, os locais conseguiron frear ao seu rival e conseguir irse á decena ao seu favor para entrar nun último período que foi a apoteose a un espectacular choque: 73 puntos nos dez minutos finais (38-35) que permitiron aos de Miguel Ángel Hoyo facerse co triunfo na súa estrea como locais.

A clave: Máis que calquera estatística individual, destacar que doce xogadores concluíron o partido por encima dos dez de valoración, encabezados por Sergi Quintela (29) e Sergio De la Fuente (31).



                             Marcador:  Xuven
               Valladolid


Récord de anotación

Os espectadores do encontro entre Xuven Cambados e Brico Depòt Cidade de Valladolid poden ter a certeza de que presenciaron un partido histórico esta tarde en O Pombal.

A escuadra galega impúxose por 118 a 105 ao debutante castelán. 223 puntos en total que entran na historia da LEB Prata ao converterse no partido con máis tantos conseguidos sen prórroga polo medio.