BAIXA O PARO EN GALICIA

Galicia rexistrou no mes de xullo unha nova caída do paro, con 12.691 persoas menos nas listas de demandantes de emprego, segundo informa o Ministerio de Emprego e Seguridade Social. A comunidade autónoma galega rexistrou en xullo 216.371 parados, fronte aos 229.062 do mes de xuño, o que supón un descenso do 5,54% respecto ao mes anterior e un 9,95% en relación ao do ano pasado ao contabilizar 12.691 e 23.908 desempregados menos, respectivamente, en taxa intermensual e interanual. Galicia sitúase, ademais, entre as 16 comunidades autónomas nas que baixa o paro, xunto a autonomías como Andalucía, cunha caída de 19.319, e Cataluña, que rexistra un descenso de 9.162 persoas menos que buscan traballo. En todo o Estado, o paro baixa en 74.028 persoas, o maior descenso neste mes dende 1998.

Galicia rexistra unha nova caída do paro

Todas as provincias galegas rexistran tamén un descenso. Así, ACoruña, con 85.563 parados, contabiliza 4.637 desempregados menos; Lugo, con 20.807 persoas sen traballo, experimenta un descenso de 1.658 persoas; Ourense, con 24.108 parados, ten en xullo 1.451 demandantes de emprego menos e Pontevedra súmase a esta caída, con 4.945 persoas menos demandantes de traballo nas oficinas do servizo público de emprego e cun total de 85.893 parados.